आज:  | Fri, 01, Jul, 2022

नेता देव गुरुङद्धारा समुता गुम्बालाई पाँच लाख सहयोग

रेडियो भोटेओडार १२ जेष्ठ २०७९, बिहीबार २०:२७ मा प्रकाशित ( १ महिना अघि) ४७६८ पाठक संख्या

चाँदनी अधिकारी

लमजुङको सुन्दरबजार नगरपालिका ९ भोटेओडारमा रहेको समुता गुम्बालाई नेकपा माओवादी केन्द्रका प्रमुख सचेतक एवं प्रतिनिधि सभा सदस्य देव प्रसाद गुरुङले नगद पाँच लाख सहयोग गर्नुभएको छ ।

नेता गुरुङले समुता गुम्वा विकास समितिका अध्यक्ष वीरसिंह घले एवं निवर्तमान अध्यक्ष खुसबहादुर गुरुङलाई सोमबार सहयोग रकम प्रदान गर्नुभएको हो ।

गुम्बाको भौतिक पूर्वाधार निर्माणमा थोरै भएपनि सहयोग पुगोस् भनी सहयोग गरेको नेता गुरुङले बताउनुभयो ।

सबैको साझा सम्पत्ति गुम्बाको समग्र पक्षको विकासका लागि सबैले सहयोग गरिरहेको बताउँदै यसको विकासका लागि आफुले सकेको सहयोग गर्ने नेता गुरुङले प्रतिवद्धता समेत व्यक्त गर्नुभएको छ ।

सहयोग रकम गुम्वा निर्माणमा खर्चने समुता गुम्बा विकास समितिका अध्यक्ष घलेले बताउनुभयो ।

नेपाल बौद्ध दर्शन प्रवद्र्धन तथा गुम्वा विकास समितिको पहलमा राष्ट्रिय भुकम्प पुननिर्माण प्राधिकरणको ५६ लाख ४७ हजार ६ सय २९ रुपैयाँ सहयोगमा दुई तले गुम्वा निर्माण गरिएको उहाँले बताउनुभयो ।

अझै गुम्बा निर्माणका केही काम बाँकी रहेको र निर्माण कार्य पुरा गर्नका लागि समितिले विभिन्न सहयोगी व्यक्ति तथा संघसंस्थाबाट सहयोग रकम जुटाइरहेको अध्यक्ष घलेले बताउनुभयो ।


FLASH NEWS